Murhaballaadia Vaslav Havelin putkassa

Kirjailija Bengt Pohjasen kirjoittama meänkielinen teos, jota myös suomenkielinen vaivatta voi lukea. Kirjailia Bengt Pohjanen oon kotikyläshään, Alasessa Kassassa, lapsena ja nuorena kuulu hypriitikielisiä lauluja Pajalan seu’ula tapahtunheista julmista murhista, joista oon puhuttu, laulettu mutta kans pölöstä vaijettu. Kirjailia oon haastatellu uhrien sukulaisia ja monenlaisen väkivallan uhriksi joutunheita. Olleshaan Praahan kirjamessuila kirjailia asu Unitas hotelissa, joka ennen komunistien vallan kaappausta oli ollu nunnaluostari, jonka asukhaat jou’uit leirile. Luostarista tuli komunistien polisilaitos ja fankila. Aatheen kaauttua veriset seinät pesthiin ja paikasta tuli Unitas hoteli. Sattumalta kirjailia pääsee alakerthaan, jossa nuori hotelin portsieeri näyttää Vaslav Havelin putkan, jossa saattaa yöpyä jos pokka kestää. Tämä tarina tapahtuu Vaslav Havelin putkassa. Suljetun raskhaan portin sisäle astuu laulajia, viehraitamiehiä, polisien ja pedofiilien uhria, vaphaan sanan murhaajia ja itkevä tyär, joka ei saa rauhaa. Tämän tarinan kertoja oon aikakirjuri, jonka tehtävä oon siirtää uhrit aikakirjojen ajattomhaan rauhhaan ja väkivaltasten teot piilosta päivän valhoon. Teos oon meänkielisen kirjalisuuen taitheelista huippua. Kirja perustuu niin tositapahtumhiin ko Vaslav Havelin putkassa kuulthuin lauhluin ja tarihnoin.